قصيده صفات خلج از رحمت واشقاني

قصیده ای بنام: صفات خلج

سرآینده مرحوم رحمت واشقانی به تاریخ 30/7/1373

بازنویسی شده توسط: علی اصغرجمراسی(بیلیم)

چنانچه در نگارش کلمات اشکالی وجود دارد به دلیل ناخوانا بودن متن اصلی می باشد.

بیری – بیر ی کیرر میدانقا

یولقا هاتار آقار آقار قان خلج

دادچکدیکه طاقلار تاشلار تترئر

هولونماز گُولا دا قهرمان خلج

خلجین نه نه سی مردانا توقمش

خدانوری اونون ییزینه چاقمش

خلج دشمنین اوستنه آقمش

تترئر قورقسندا میدان خلج

کول یئرچه ناماردا قصاصین چکر

سو یئرینه دشمنین قانین ایچر

هر لر هاراسیجا مرد اوغلو سچر

هاتین وئریر جولان میدانچا خلج

هَرنلکده دونیاچا نشانی وار

هرلرهاراسیچا آتی سانی وار

اونون کی رئیچه خلج قانی وار

دعواچا دشمن ده آلور جان خلج

غیزقا کلور یاتور هاتین دالنا

میدان قان هقلایور دشمن حالنا

مردلری بئل واماز دنیامالنا

کینچه وار خداقا ایمان خلج

پهلوانلوقچا هیچکم اونا ائرمز

تاهمرزمین سیماقا هاتدا ائنمز

دعوا کنی ازدژهاقا باج وئرمز

سهراب خلج،رستم خلج،خان خلج

خلج یلداشونون هکمکین آلماز

خلج مردی هچکیمکه چالاقازماز

خلج عففتی واربدکزلن واقماز

ای سنین غیرتینه قربان خلج

خلج وطن یولچا جان دا کچر

خلج خائن کریه قانین ایچر

یارپاق وارا باشلارین یئرکه تکر

یادندا هینمز عهد وپیمان خلج

خلج لر ایرانقا افتخار ائتر

آتلوق سانلوق اوجابد سالاراللار

اسلامقا قرآنقا وفاداراللار

ای افتخار خالق ایران خلج

خلج لرین هولری آباد اولتا

هرنه خلج وار کونلری شاد اولتا

خلج سنین دشمنین برباد اولتا

دواخلج دردلرکه درمان خلج

رحمت هایور قلم آلدوم الیمه

توقریلئن ئلواقین وادوم بئلمه

یپاق هیچواقت کلمز منیم تیلمه

اگر صفاشین یک واشقان خلج

شاد روان رحمت واشقانی فراهانی

20/7/1373